Иерусалимдегі Әл-Ақса мешітінде енді барлық жастағы мұсылмандар өз құлшылықтарын жасай алады. Ендігі уақытта ғибадатханаға кіруге қойылған жас шектеулері алынып тасталды, - деп хабарлайды «Интерфакс-религия».

Осы уақытқа дейін мешітке кіруге 50 жастан асқан  ерлерге ғана рұқсат беріліп келген  болатын. Әл-Ақса мешітінде енді барлық жастағы мұсылмандар өз құлшылықтарын жас ерекшеліктеріне қарамастан атқара алады деген  шешім қабылдауға Израильдің премьер министрі Биньямин Нетаньяхудың  Иордания патшасы Абдалло ІІ және  АҚШ-тың мемлекеттік хатшысы Джонн Керримен жақында өткен кездесуі себеп болған деп хабарлануда. 

Мемлекеттік хатшы Джонн Керридің айтуынша, Шығыс Иерусалимдегі тұрақтылыққа қатысты кездесу сәтті өткен.