Шу өңірінде қасиетті Құран Кәрімнің 30-шы парасын мәнерлеп, жатқа оқу бойынша жарыс өтпек. 

 Аталған білім додасы Белбасар ауылы "Хати Сауранбайұлы" мешітінде өтеді. Сайысқа 15 жасқа дейінгі ер балалар қатыса алады.

Үміткердің араб әріптерін оқудағы махражы, тәжуид ережесін сақтауы назарға алынады. Сайысқа қатысу үшін 21-маусымға дейін мешіт имамдарына жолығып, туу туралы куәлігінің көшірмесін тапсырып, тіркеліп қою қажет. 

Айта кетейік, сайыс жеңімпаздарына қаржылай және басқа да бағалы сыйлықтар тарту етілмек. Жүзден жүйрік шығып, 1 орынды иеленген балаға 300 000 теңге сыйақы берілмек.

Шу аудандық "Жәми" мешітінің баспасөз қызметі