Жамбыл ауданы Бесағаш ауылы «Бесағаш» мешітінде арнайы 3 айлық сауат ашу курсына арналған сынып ашылды. Аталған сынып Бесағаш ауылының мектеп бітіруші түлектері мен мешіт жамағатының бірлесіп атқарған жұмыстарының нәтижесінде осындай керемет сынып ашылып отыр.

Сыныпты ашудағы басты мақсат, ауыл балаларын діни сауаттылыққа, тәлім-тәрбиеге баулу. Айта кететін жайт, әр жыл сайын мектеп бітіргеніне 10-20-30 жыл болған түлектер ауыл мешітіне арнап, керекті нысандармен мешітке керек-жарақтарды үнемі қамтамасыз етіп тұратындығы көпке өнеге.           

Аталған сауат ашу сыныбына арнайы барған ауданның бас имамы Ғайырфулла Қуанышбекұлы ауыл тұрғындары мен келуші балаларды құттықтап, «білім алудың пайдасы» жөнінде насихат айтты. Ілім алушы балалардың сан сауалдарына жауап берген ауданның бас имамы демеушілік еткен түлектерге өз алғысын білдірді. Сонымен бірге, сауат ашу сыныбына келіп, ілім алу үшін, баланың ата-анасы таратынан міндетті түрде қолхат болуы басты шарт болып есептеледі.

Жамбыл аудандық мешітінің баспасөз қызметі