"Жетім көрсең, жебей жүр" дейді дана қалқымыз. Осы ұранмен Шу ауданы Қонаев ауылында 4 ағайынды жетім балаларға үй берілді.  Ата-анасынан айырылған бауырларға қарасып, баспана беру мәселесін Шу ауданына қарасты ауыл мешіттері бірлесе қарастырды. 

Балаларды қорғау күніне тұспа-тұс келен қуанышты іс-шараға ауыл жиналып, үлкендер лентасын қиып, апалар шашуын шашты.  

 Көпшілік дәмнен ауыз тиіп, имамдар дұға жасап, қариялар батасын берді. Айта кету керек, аталған баспана 5 млн теңгеге сатып алынды. Көпшілікпен жиналған 4 млн қаражатты "Әбу Бәкір Сыддық" мешіті 1 млн теңге қосып толықтырыпты. Бұл игілікке ауыл тұрғындары мен қатар демеушілер белсене атсалысты. 

Ауыл мешіттері үй кілтін табыстау салтанатына сыйға тартар кілемдерін де ала келді.

Шу аудандық "Жәми" мешітінің баспасөз қызметі