Шу аудандық Жастар орталығының ұйымдастыруымен жасөспірімдер арасында футболдан сайыс өтті. Саяси-қуғын сүргін құрбандарын еске алу күніне және Референдумды қолдау мақсатында Тоғай мөлтек ауданында "Денсаулық өмір негізі" атты ұранмен өткізілген іс-шараға мешіт имамдары атсалысты.

Шағын футболға 9 топ қатысып, озық ойын көрсетті. Төрешілер шешімі бойынша теңбіл доп алаңында озық ойын көрсеткен құрамалар сәйкесінше жүлделі І, ІІ, ІІІ жүлделі орындарды қанжығаға байлап, жеңімпаз атанды. Атап айтсақ, 1-орын "М.Мақатаев", 2-орын "Сарыарқа", 3-орынды "Локоматив" командасы иеленді.

Тартысты ойын соңында қала әкімі Ержан Серікұлы Естияр жүлдегерлерді құттықтап, Шу қалалық жастар орталығы тарапынан грамоталар мен бағалы сыйлықтар табыс етілді.

Шу аудандық "Жәми" мешітінің баспасөз қызметі