Өңірге арнайы іс-сапармен келген Қордай ауданының кураторы, облыстық "Һибатулла Тарази" мешітінің наиб имамы Нұралы Бақытұлы Қордай Құран қарилар даярлау орталығының ұстаздарымен жүздесті.

Ауданның бас имамы Асқар Зәкіржанұлының қатысуымен өткен жиында облыс наиб имамы ұстаздардан шәкірттердің оқу үлгерімі, жалпы хал-ахуал, дәріс беру әдістемесі жайында сұрады.

Бұл орталық ерекше, өйткені ол болашақ қариларды даярлайды. Құранға деген махаббат оны оқуға байланысты. Бұл қасиетті кітапты оқу ең ұлы ғибадаттардың бірі әрі Аллаға жақындататын бірден – бір төте жол болып табылады. Алла Тағала бізге қасиетті Құранды оқуды әмір еткен. Құранда: «Құраннан оқи алатындарыңды оқыңдар» (Мүзәммил, 20) деп айтылса, Әбу Умәмә риуаят еткен хадисте Пайғамбарымыз (с.ғ.с.): «Құран оқыңдар! Ол қиямет күні иесіне шапағат етеді» – деген.

Қордай аудандық мешітінің баспасөз қызметі