Қырғызстанның Нарын облысында орналасқан Қошқар ауылында жергілікті тұрғындар қызтекелікке салынған медресе ұстазын елдімекеннен қуып жіберді.

Қазіргі таңда 39 жастағы ер азаматтың қайда екені белгісіз. "Азаттық" радиосының мәліметінше, қуылған ұстаздың есімі Махмуд.

Белгілі болғандай, ол бұған дейін Қошқар ауылындағы мешіттің имамы қызметін де атқарған көрінеді. Тұрғындардың күдігін қандай жайттың туғызғандығы айтылмай отыр.

Айта кетейік, 2014 жылдың көктемінде қырғыз парламенті гомосексуализмді насихаттауға заң жүзінде тыйым салған болатын. Одан сәл ертерек елдегі мүфтият біржынысты "махаббатқа" қарсы пәтуа да шығарған.