Қазақстан Республикасының Тұңғыш Президенті – Елбасы кітапханасында www.presidentlibrary.kz сайтының тұсауы кесілді. Жаңа сайттың ерекшелігі сол Қазақстан Республикасы Президентінің қызметі фото түріндегі жаңалықтармен беріледі.

Сайт арқылы Елбасы Кітапханасының электронды кітапханасымен танысуға мүмкіндік бар. Ол екі бөліктен тұрады – Мемлекет басшысының Жеке электронды кітапханасынан және мәліметтердің электронды базасынан. Электронды база арқылы оқырман 13 млн. 132 мың мәліметке қол жеткізе алады. Бағыттары сан-алуан: саясат ғылымдары, әлеуметтік ғылымдар, тарих ғылымдары, экономика ғылымдары, мәдениет, әдебиет, менеджмент, география. Сайтымызға тіркелген адам Дүниежүзілік электронды кітапханамен және электронды журналдар кітапханасымен жұмыс істеуге ерекше мүмкіндік алады. Тіркелген қолданушы «Бұлтты қор-мұрағаты 20+» жұмыс істей алады. Онда Мемлекет басшысының қызметіне байланысты фото, бейнемұрағат бір жүйеге келтірілген. Сайттың тағы бір ерекшелігі – Интернет-телевизия. Онда Елбасы кітапханасында болған шаралар бейнематериал, фильм түрінде жүктеледі. Сонымен қатар, интернет-телевизия арқылы белгілі-бір шараны онлайн режимінде таратуға мүмкіндік бар.

Кітапхана сайтының виртуалды туры арқылы қашықтықтан Мемлекет басшысының Жеке Кітапханасының контентімен, «Әлемді өзгертетін идеялар» атты интерактивті білім беру орталығымен жұмыс істеуге болады.

Аңдатпа бөлімінен Кітапханада болатын шаралар тізімімен таныса аласыздар: «Әлемді өзгертетін идеялар» дөңгелек үстелі онлайн түрінде беріледі; «Тұңғыш-Первый» деректі фильм апталығы; Жас ғалымдар мен мұғалімдерге арналған «Біздің ел – Біздің Президент» тренинг-семинарлар туралы бейнематериалдарды; «Әлемді өзгертетін ойлар» атты Республикалық сайыстың салтанатты түрде қорытындылануы туралы.