Тараз қаласында орналасқан «Құлбай баба» мешітінің имамы Амангелді Ембергеновтің ұйымдастыруымен қасиетті Қадір түні ерекше іс-шаралармен естен кетпестей етіп өткізілді.

Рамазан айының алғашқы күнінен бастап, ораза ұстап, тарауих намазын оқып жүрген жамағат сый-құрметке бөленді. Мешіт ауласында Қадір түнінің құрметіне орай 200 кісіге ауызашар мен сәресі асы берілді. Мешіттен ауыз ашып, сәресін ішіп қуанған жамағат тарауық намазынан кейін ұйымдастырылған түрлі сұрақ-жауап ойындарына қатысып, бағалы сыйлықтарға қол жеткізіп, тағы да бір қуанышқа бөленді.

Уағыз-насихат тыңдап, білім нәрімен сусындады. Жамағатты жалықтырмайтын шаралар таң намазына дейін жалғасты. Жамағат мешітте таң намазын оқып тарады.

Тараз қаласы «Құлбай баба» мешітінің баспасөз қызметі