Серігі жоқ Алла Тағала ардақты Пайғамбарына (Оған Алланың салауаты мен сәлемі болсын) қасиетті Құран аяттарын Рамазан айында оның ішінде Қадір түні түсіргенін бізге баяндайды.

Мың айдан қайырлы түні бар бұл кешті Жуалы ауданындағы мешіттер лайықты түрде қарсы алды. Ауылдық «Түктібай» мешітінде сондай-ақ Қадір түніне орай ауылдағы мешітке жамағат жиналып, Мұхтарұлы Мұрат  имам ұйымдастырған азан жарысы, құран жарысы  көрінісінің  куәсі болдық. Асыл дінімізге қатысты сұрақтар қойылып, тура тапқан балаларға құлшылыққа қажетті сыйлықтар, жүлделі мақтау қағазы берілді.

 Қадір түні жалғасын «Билікөл» мешітінде тапты. Кешкісін ифтар ауызащар дастарханы жайылды және сәресі дастарханы ұйымдастырылды.

Мешітке келген жамағаттарға Қуаныш Орынбасарұлы Қадір түнінің қасиеті турасында уағыз жүргізді. Соңынан  жамағаттармен ислам, пайғамбарлар өмірбаяны және еркін тақырып бойынша сұрақ-жауап жарысы ұйымдастырылды.

Жуалы аудандық мешітінің баспасөз қызметі