Қасиетті Рамазан айының алғашқы күнінен бастап Тараз қаласына қарасты мешіттерде күнделікті түрде жамағатқа арнап ауызашар ұйымдастырылуда.

   Қаланың бас мешіті саналатын «Әулие ата» мешітінің бас имамы Орынбасар Орымбайұлы «Әулие ата» мешітіндегі өз жамағатына ауызашар дастарханының басында уағыз-насихат айтумен шектеліп қалмады. Керісінше қаладағы кейбір мешіттердегі ұйымдастырылған ауызашарларға арнайы ат басын бұрып, жамағатпен бірге ауыз ашып, түрлі тақырыптарда уағыз айтып, жамағаттың сұрақтарына жауап берді. Жамағат имамға шексіз алғыс айтты.  Имам өз кезегінде ел-жұртқа дұға жасады.

Амангелді Ембергенов 

Тараз қаласы: Қалалық «Әулие ата» мешітінің баспасөз қызметі