«Үйі жоқтың күйі жоқ» демекші, үй-күйсіз жүрген ана үй-күйлі болды. Рамазан айының қасиетті қадір түнінде «Әулие ата» мешітінде көп мешіттерде бола бермейтін осы ерекше оқиға орын алды.

Мешіт имамы Орынбасар Орымбайұлының ұйытқы болуымен үш баланың анасына баспана тарту етілді. Баспана бақытына қол жеткізген ананың қуанышында шек болмады.

Имам мен баспана тарту еткен азаматқа өз отбасының атынан ерекше алғысын айтты. Имам баспаналарының берекелі болуын, баспанасыз жүрген қаракөздеріміздің үйлі болуын тілеп, дұға жасады.

 Амангелді Ембергенов

Тараз қалалық «Әулие ата» мешітінің баспасөз қызметі