Тұрар Рысқұлов аудандық «Сұлтан» орталық мешітінің ұйымдастыруымен Қасиетті Рамазан айының қарсаңында жарамазан айтылды. Жарамазанды аудандық мәдениет үйінің өнерлі жігіттері айтты.

Ауданның бас имамы Сұлтаншәріп қажы, наиб имам Қуаныш және мешіт қызметкерлері қайырымдылық жасап, тұрғындарға ауызашар үшін су мен құрмаларды сыйға тартты. Жарамазан аудан орталық алаңында, мәдениет үй маңында және Ақбосаға сауда үйінде айтылды. Бұл іс-шара бейнетаспаға жазылып әлеуметтік желілерге таратылды.

 Қуаныш Түзелбеков 

Рысқұлов аудандық мешіт баспасөз қызметі