Меркі аудандық «Меркі ата» мешітінің бас имамы Азамат Берікұлының арнайы шақыртуымен Мысырдағы "әл-Әзһар" университетінің түлегі, Республикалық ақпарат-насихат тобының мүшесі, Жамбыл облысының  найб имамы Нұралы Бақытұлы арнайы келіп, «Жүніс молда» мешітінің жамағатына «Ынтымақ, бірлік» және де «Исламдағы жастар»  тақырыбында кеңінен уағыз-насихат жұмыстарын жүргізді.

Аталған тақырыптағы уағызды тыңдау үшін алыс-жақын жердегі жамағаттар да қатысты. Уағыз айтқан ұстазға жиналған жамағат өз ризашылығын білдірді.

Уағыз соңында жамағат көкейлерінде жүрген сұрақтарын қойып тұшымды жауаптарын алды.

Меркі аудандық «Меркі ата» мешітінің баспасөз қызметі