"Әбдірашит ата" мешітінің ұстазы және Талас аудандық ішкі саясат бөлімінің теологы Жанұзақ Әнбекеов ауыл имамдарына жат ағымдармен күресу һәм уағыз-насихат айтудың тәсілдері жайлы семинар өткізді.
Имамдардың халықтың алдына шығып, уағыз-насихатын жүргізуі, әрбір жүріс-тұрысы, сөз сөйлеу мәнері, өзін-өзі ұстауы жайлы түсіндіріп, имамның тыңдармандарын өзіне қарата білуі үлкен дайындықты қажет ететіндігін атап көрсетті.
Семинар барысында қазіргі таңдағы дін мәселелеріне орай актуалды тақырыптар талқыланып, имамдардың халық алдында өзін-өзі ұстауы, дұрыс сөйлеуі, ойдың шашыраңқы болмауы, сөздің анық шығуы, уағызды дұрыс жеткізе алуы секілді біршама мәселелер қозғалып, қажеттілігі айқындалды. Игілігі мол іс-шарадан имамдарымыз білімін шыңдап қайтты.
Талас аудандық мешітінің баспасөз қызметі