Жамбыл ауданы Құмтиын ауылы орта мектебінде  «Ботабай» мешітінің имамы Қуаныш Жарылқасынұлының қатысуымен «Үлкенге құрмет» турасында семинар-тернинг өтті.

Аталған кездесуге  мектеп оқушылары қатысты. Ертеден тағылымы мол қазақ халқымыз "Баланы жастан" деп рухани құндылықтарымызды бала тәрбиелеудің игілігіне жұмсаған. Жас шыбықты жастайынан халық ауыз әдебиетімен суарып, ел үшін ерен еңбек сіңірген тұлғаларды үлгі етіп, ұлтжандылыққа тәрбиелеген. Сонымен қоса отбасындағы қағида - әке-ана құрметі, үлкенді құрметтеу, кішіні ізеттеу.

Бала тәрбиесі бесіктен деп ұғынған отбасы әр баланың тәрбиесін, түздегі қылығын қадағалап отырған. Өйткені, тәрбиелі адам - тағалы атпен тең деген. Ата- анаға деген сыйластықтың негізінде бала көкейінде " Үлкенді сен сыйласаң, кіші сені сыйлайды, кіші сені сыйласа, кісі сені сыйлайды" деген халық даналығы қалыптасқан. Ауыл имамы мектеп оқушыларының сан сауалына жауап берді.

Жамбыл аудандық мешітінің баспасөз қызметі