Бас мүфти Петропавлда жергілікті жамағатпен жүздесті (ФОТО)

Бас мүфти Петропавлда жергілікті жамағатпен жүздесті (ФОТО)

User Rating: 5 / 5

Star ActiveStar ActiveStar ActiveStar ActiveStar Active
 

Қазақстан мұсылмандары діни басқармасының төрағасы Ержан қажы Малғажыұлының Солтүстік Қазақстан облысындағы жұмыс сапары  жалғасуда. Бүгін қасиетті жұма күні Бас мүфти Петропавл қаласында салынатын жаңа мешіттің іргетасын қалап, жергілікті жамағатпен жүздесті.

«Кеше Айыртау ауданында Алла үйінің алғашқы кірпішін қаладық. Аллаға шүкір, бүгін Солтүстік Қазақстан облысында екінші мешіттің іргетасын қалаудың сәті түсіп отыр. Қазақта: «Азаны бар ауыл азбайды», – деген қанатты сөз бар. Мешіт – имандылықтың, бірліктің, игіліктің, білімнің ұйытқысы. Салынатын жаңа мешіт халықтың сауатын ашуға, діни білімдерінің артуына үлкен үлес қосады деп сенемін. Құтхана құтты болсын, жамағат!» – деді Бас мүфти Ержан қажы Малғажыұлы салтанатты рәсімде.

Жиналған жамағат Бас мүфтимен сұхбаттасып, Солтүстік Қазақстан облысы бойынша мешіттерде атқарылып жатқан игі шаралар туралы ойларымен бөлісіп, жылы лебіздерін білдірді.

ҚҰРМЕТТІ ОҚЫРМАН! ОСЫ ТАҚЫРЫПҚА БАЙЛАНЫСТЫ ПІКІРІҢІЗДІ БӨЛІСЕ ОТЫРЫҢЫЗ.
Жаңалықтардың астында қалдырылған комментарийлер мазмұны asyldin.kz рухани ағарту порталында редакцияланбайды. Сайт комментарийлердің пішіні мен мазмұнына жауап бермейді. Пікір білдірерде тәртіп сақтауды сұраймыз!
пікірлер (0)

Оқи отырыңыз: