Жамбыл ауданы орталық «Бәйдібек» мешітінің бас имамы Ғайырфулла Қуанышбекұлымен  аудандық Мәдениет үйінде аудан тұрғындарымен  «Діни экстремизм  - әлемге төнген қауіп» деген тақырыпта кездесу өткізілді.

Аталған кездесуде дін бұзар жат ағымдардың қоғамға төңдірер қауіп – қатерін айтылып, кездеуге келген тұрғындардың сауалдарына жауап берілді. Ислам – терроризмге, зорлық-зомбылыққа, діни экстремизмге қарсы. Бүгінгі таңда әлемнің түпкір-түпкірінде Ислам атымен сандаған жазықсыз адамдардың қаны төгіліп жатқаны өкінішті. «Бір адамға қиянат жасау – күллі адамзатқа бағытталған қиянат». Осы қанатты сөзді ескерсек, Ислам діні қашан да қақтығыс, лаңкестік, зорлық-зомбылық, өктемдік секілді мұсылмандыққа жат іс-әрекеттер мен арам пиғылды айыптаған. Біздің асыл дініміз, керісінше, қоғамдық тұрақтылықты, ізгілікті, ұстамдылықты уағыздайды.

Жамбыл аудандық мешітінің баспасөз қызметі