Аптаның  ардақты күні  Жұмада  мұқым  мұсылмандар Раббысына құлышылық ету үшін Жұма намазына жиналады.  Бір-бірімен көрісіп, құшақтасып жатады. Сонымен қатар сауапқа үмітті болып, сүннет амалдарды орындайды.

Таяуда Шу ауданының бас имамы Бахтияр Амантайұлы аудан орталығындағы «Төле би» мешітіне барып жамағатпен жүздесті.  Жүздесу барысында «Мұсылман мұсылманның айыбын жасыру абзал амал» тақырыбында жұма уағызын айтып, намазды жүргізді.

Расында, барлық пенденің айыбы, ақсар тұсы болады. Кемшіліктен пәк Алла ғана. Бауырыңның білместігі мен кемшілігін жұртқа жаймай, жеке насихат ету шариғатта құпталған іс. Өйткеннің кімде-кім мұсылман бауырының айыбын жасырса, Алла сол пенденің айыбын ахирет күні жасырады деген хадис бар.

Шу аудандық «Жәми» мешітінің баспасөз қызметі