Шетел басылымдарының мәліметі бойынша, түрік мектептерінде хиджаб киюге рұқсат берілді. Айта кетейік, аталмыш ереже мемлекеттік мектептердегі жоғары сынып оқушыларына ғана оңтайлы болып тұр. Ал, жеке және басқа да діни мектепте оқитындар өздерінің оқу ордаларының заңына бағынатын болады.

Елдің вице-премьері Бюлент Арынч өткен аптада болған Үкімет отырысында білім саласында бірқатар өзгертулер енгізілгенін мәлімдеді. Аталмыш өзгертулер оқушылар мен оқытушылардың сыртқы киім үлгісіне қатысты.

Естеріңізге сала кетейік, бұрынғы заң бойынша, оларға дәріс кезінде шариғат шәлісін тағуға рұқсат етілмеген болатын.

muslim.kz