Жамбыл ауданы орталық «Бәйдібек» мешітінде аудандық «Әйел-қыздар секторының» арнайы айлық дастархан отырысы өтті.

Кездесуде аудандық мешіттің ұстазы және «әйел-қыздар секторының» жетекшісі Жайна Бекназарова «Отбасының тірегі –сыйластық» жайында кеңінен уағыз-насихат айтып, қыз-келіншектердің сұрақтарына жауап берді.

  Аталған отырыстың соңында жиынға қатысқан шәкірттер қонақ болған қыз-келіншектерге арнайы сыйлықтарын табыс етті. «Отан – отбасынан басталады» демекші, отбасы – қоғамның ең маңызды құрылымы. Сондықтан Ислам отбасына көп көңіл бөледі.

Отбасында ең әуелі сенім мен сыйластық, сезім мен сүйіспеншілік болса, жұбайлар өмірінің шырайы артып, кездеспей қоймайтын тіршіліктің ащысы мен тұщысын, суығы мен ыстығын, қайғысы мен қуанышын бірге бөлісіп, қандай жағдайда болсын, босағасы берік болмақ.

Жамбыл аудандық мешітінің баспасөз қызметі