Human Rights Watch халықаралық құқық қорғау ұйымы оқ-дәрінің иісі, қару оқпанынан шыққан түтін әлі сейіле қоймаған Газа секторындағы Израил басқыншылығына қатысты есебін жариялады. Онда Израилдің әскери қылмысқа жол бергені айтылған. «Израил әскерилери жүздеген адам жасырынған үш бірдей белгілі мектепке соққы берген. Нәтижесінде ондаған бейбіт тұрғындар қаза тауып, жарақат алды»,- деп мәлімдеді аталмыш ұйымның арнайы кеңесшісі Фред Абрахамс. Ол осылай дей келе Израил билігінің мектепке неліктен шабуылдағаны жөнінде түсінік бере алмағанын жеткізді. Біріккен Ұлттар Ұйымының мәліметіне қарағанда, Израил шабуылынан Газа секторында қаза тапқандардың 80 пайызын бейбіт тұрғындар құраған.

islam.kz