Қордай ауданының жамағаты "Нұр Мүбәрак" Египет ислам университетінің ұстазы, РАНТ мүшесі Ризабек Батталұлымен жүздесті.
Дәстүрлі "насихат дастарханы" жиыны Қордай ауылы "Рахман" мешітінде өтіп, Алматыдан ат артып келген қонақ "Тозақтағы азаптар" тақырыбында көркем насихат айтып, ақырет күні жайлы қуатты білім берді.
Көңілдерге орнығып, иманға жігер берген уағыздан соң жамағат дастарханға жайғасып, ас үсті Алланы еске алып, ғибратты әңгіме тыңдауын жалғастырды.
Көпшілік білікті маманға көкейкесті сауалдарын қойып, мардымды жауаптарын алды.
Қордай аудандық мешітінің баспасөз қызметі