Асыл  дінімізде отбасы мәселесіне ерекше мән берілген.  Ата-ананың құрметтеу, бала тәрбиесі, жар таңдау секілді маңызды дүниелерге діни тұрғыда қажетті қағидалар айтылған. Оны біз Пайғамбарымыздың (оған Алланы салауаты мен сәлемі болсын) хадистерінен білеміз.

Жуырда Шу ауданы "Төле би" ауылындағы Е.Бекмаханов атындағы мектеп-гимназиясында Төле би мешітінің бас имамы Талғат Сейткереев қатысқан жиында осы тақырып талқыланды. Аудандық жастар ресурстық орталығының  Төле би ауылы  бойынша жастар ісі жөніндегі инспекторларының ұйымдастыруымен өткен жиынға осы мектептің жоғарғы сынып оқушылары қатысып, имамға толғандырған сұрақтарын қойды.

Талғат Кәрібайұлы діндегі отбасы құндылығы туралы насихат айтып, жастарды ата-ананы сыйлап, үлкендерге құрмет көрсетуге шақырды. Сондай-ақ отбасыда берілген тәрбиені бойына сіндіріп, қоғамда соны көрсету керектігі түсіндірілді.

Шу аудандық «Жәми» мешітінің баспасөз қызметі