Жамбыл ауданы орталық Мәдениет үйінде ауыл имамдарына өрт қауіпсіздігі мен алдын-алу шаралары түсіндірілді. Кездесуде имамдарға арнайы парақшалар үлестіріп, мешіттерде өртті болдырмау үшін алдын алу жұмыстарын қалай жүргізу керектігі жіті түсіндірілді. Түсіндіру жұмыстарын ауданның өрт сөндіру бөлімінің басшысы жүргізген болатын.  Өрт қауіпсіздігі – бұл өрт болу мүмкіндігін болдырмау және оның пайда болған кезінде адамдарға, құрылыс және материалдық құндылықтарға өрттің қауіпті факторларының жағымсыз әсерлерін жою үшін қажетті шараларды қолдану болып саналады. 

Өрт қауіпсіздігі өрттің алдын алу шаралары мен және белсенді өрт қорғанысымен қамтамасыз етіледі. Өрттің алдын алу болып өртті болдырмау немесе оның салдарын азайтуға бағытталған іс-шаралардың кешені саналады. Белсенді өрт қорғанысы – бұл өрт немесе жарылысқа қауіпті жағдайларымен белсенді күресуді қамтамасыз ету шаралары екендігін есімізден шығармайық!

Жамбыл аудандық мешітінің баспасөз қызметі