Асыл дініміздің қайталанбас құндылығы, тірегі болған, екі дүние бақытына жеткізер Алланың хақ үкімі және сөзі Құран екені баршамызға аян. Ардақты елші Пайғамбарымыз (с.а.с): «Сендердің ең жақсыларың, Құранды үйреніп оны өзгелерге үйреткендерің» - деген. Осы қасиетті Құранды жаттап жүрген қыздар арасында ҚМДБ-ның Жамбыл облысы бойынша Әйел-қыздар секторының жетекшісі Гүлжан Серікқызының ұйымдастыруымен облыстық Құран сайысы өтті. 

Тараз қаласындағы «Әбу Бәкір ас-Сыдық» мешітінде өткен сайыста Меркі ауданы бойынша мектеп жасындағы  оқушылардан бастап үлкен-кіші жалпы саны 7 шәкірт қатысты. Құран жарысы бір және жарты параны жаттаған және Құран кәрімді мәнерлеп оқу номинациясы бойынша өтті. Баға беру барысында үміткердің барлық қырына: оқу мәнерінен бастап, дыбыстарды шығаруы мен тәжуид ережелерін сақтауына аса мән берілді.  

Жарты пара бойынша Меркі ауданы, Кеңес ауылының тұрғыны Кеңесбек Айша 2-ші жүлделі орынды иеленді. Ал жарты пара бойынша Меркі ауданы, Кеңес ауылының тұрғыны Мырзагелді Салиха 3-ші жүлделі орыннан көрінді.

Жүлделі орындарға йе болғандарға да, барлық қатысушыларға да естеліккке сыйлдықтар үлестірілді. 

Меркі ауданы «Меркі ата» мешітінің баспасөз қызметі