ҚМДБ Тараз қаласы «Кеңесхан қажы» мешіті әйелдер-қыздар секторының ұйымдастыруымен "Адамзаттың асыл тәжі" атты рухани кеш өткізілді. Кеш Құран Кәрім аяттарымен басталды. Қалалық бас ұстаз Жібек Болатбекқызы Пайғамбарымыз Мухаммед (с.а.у.) ның өмір баянынан үзінділер мен уағыз-насихат жүргізді. Тараз қаласы «Нәметбай» мешітінің ұстазы Ләйлә Рашидқызы салауат айтудың құндылықтары жайлы сөз қозғады. Жиын барысында викториналық сұрақтар қойылып, дұрыс жауап берген шәкірттерге сыйлықтар берілді. Сонымен қатар хадистерді жатқа жалғастыру ойыны өткізілді. Жамағатқа зәм зәм суы құйылып, баршасы дұға жасады.
Әр жиынның мақсаты, оны осы дүниеде және ақыретте пайдалы болатындай ету,бірлесу, арадағы мейірімді жандандыру,-деді Жібек Болатбекқызы.
Келген жамағат ризашылығын білдіріп, ақ жаулықты әжелеріміз батасын берді!
Жібек Болатбекқызы
Тараз қаласы «Кеңесхан қажы» мешіті ұстазы