Бүгін Шымкент қаласында Бас мүфтидің бастамасымен, ҚМДБ «Халал Даму» мекемесінің ұйымдастыруымен «Halal EXPO-2021» көрмесі басталды. «Halal EXPO-2021» халықаралық көрмесіне өңірден ҚМДБ-ның Жамбыл облысы бойынша бас имамы Бейбіт Мырзагелдиев барып қатысты. 

ҚМДБ бекіткен 7 бағыттың ішінде "Халал асқа" да аса маңыз берілген. Жамбыл өңірінен барған Облыс бас имамы Бас мүфти бастаған делегациямен жәрмеңкені толық аралап шықты.

Айта кетейік, көрмеге 50-ден астам отандық кәсіпорынның өнімдері қойылды. Шараға көршілес Ресей, Өзбекстан, Қырғыз елінің де кәсіпкерлері өз тауарларын алып келген болатын.

Ақерке БЕКҚҰЛОВА

"Һибатулла Тарази" мешітінің баспасөз қызметі