Жер бетіне Ислам діні келіп, Пайғамбарымыз Мұхаммедке (оған Алланың игілігі мен сәлемі болсын) уахи түскелі әрбір жаратылыстың хақысы  белгіленіп, орындары айқындалған. Әйел-қыздарға деген құрмет асыл дінімізде ерекше айшықталған. Ал, ұстазды сыйлау арқылы білімнің маңызын түсініп, елдің де қошеметін осы арнаға бұруға бағытталады. «Алты Алаштың басы қосылса, төрдегі орын сөзсіз мұғалімдікі»,- деп Мағжан Жұмабаев айтқандай ұстаздың халқымыз үшін орны бұрыннан ерекше.  Олардың ұрпақ болашағына қосар үлестері орасан.

Жуырда ұстаздар күніне орай Шу аудандық «Жәми» мешітінің жанындағы әйел-қыздар секторының ұйымдастыруымен маңызды шара өтті. Атап айтсақ осы сектор тарапы Бірлік ауылындағы қосымша білім беру ұйымының әйел  ұстаздарын аудандық мешітке шақырып, мерекемен құттықтап, сый-сияпат табыстады.

Сый-сияпатқа ие болған  ұстаздар қауымы ұйымдастырушыларға алғыстарын жаудырып, көрсетілген құрмет көңілдерін жылытқанын жеткізді.

Байжан Емберді,

Шу аудандық «Жәми» мешітінің баспасөз қызметі