Жамбыл ауданы Қызылдихан ауылының  Мәдениет үйінде мектеп оқушыларына  арнап «Жастар елдің болашағы» атты насихат жұмыстары жүргізілді. Іс-шараға ауыл имамы Чалиев Ескендір және ауылдың учаскелік полициясы да қатысты.

Кездесуде жастарға «адалдық, мейірімділік» турасында уағыз-насихат айтылды.                                                                                

Еліміздің ертеңі, мемлекетіміздің жарқын болашағы білімді де, білгір жастардың қолында. Жастар алдынғы буын ағалардың жолын лайықты жалғастырып, өздерінің сенімді ізбасар екенін дәлелдеуде. Қай заманда болмасын қоғамның қозғаушы күші – жастар.

Бүгінде жастар қоғамның қозғаушы күші ретінде озық идеяларымен қаруланып, еліміздің дамып, өркендеуіне барша үлес қосып келеді.  Әрбір жас жүрек өзінің туған Отаны – Қазақстанын жанындай сүйіп, танып, оған табынып өсуі қажет. Сонда ғана жас ұрпақ бойында патриоттық сезім ұялап, келешегіміз кемелдене түспек.

Жамбыл аудандық мешітінің баспасөз қызметі