Қордай ауданының имамдары "1 қазан - Халықаралық қарттар күніне" орай әлеуметтік жағдайы төмен қарттардың отбасына сыйлық жасады.

Ауданның бас имамы Асқар Зәкіржанұлы мереке күні қарияларға арнайы барып, құттықтап, сыйлықтарын табыстады.

Сонымен қатар, Бетқайнар ауылының имамы Нұрлан Жиенбаев мешіт атынан 3 қарияға кілем тарту етті. 

Қоғамның асыл тұлғаларына, қазыналы қарттарымызға деген құрмет жайлы шариғатымызда көп насихат айтылған. Қазақ халқы да үлкеннің батасын алмай іс қылмайтын. Осы өнегені үлгі тұтқан аудан имамдары қарияларға құрмет күнінде ерекше сый жасап, бата алып қайтты. 

Қордай аудандық мешітінің баспасөз қызметі