Жамбыл ауданы орталық «Бәйдібек» мешітінде ауданның бас имамы Ғайырфулла Қуанышбекұлы ауыл имамдарымен бірге «Рухани тәрбие ихсан ілімі» атты дөңгелек үстел өтті.

Отырыста имамдар ихсан ілімі жайында өз ойларымен бөлісті. Ихсан – пенденің иманын бекемдеп, құлшылыққа деген құлшынысын арттыратын, адамгершілікке тән игі қасиеттерді кемелдендіре түсетін рухани ілім.

Жиын соңында аудан имамы имамдарға «Муфтият» баспасынан шыққан «Ихсан: рухани тәрбие негізі» атты кітап таратты. Кітап алған имамдар аудан имамына өз алғыстарын айтты.

Жамбыл аудандық мешітінің баспасөз қызметі