Маусым айының басында басталған жазғы сауат ашу курсы Меркі ауданындағы орталық «Меркі ата» мешітінде жыл сайын тұрақты түрде өтеді.

Қыз-келіншектерге арналған жазғы курсқа "Нұр-Мүбарак" университетінің түлектері, бір ай бойы дін негіздері, Алланың 99 көркем есімдері, мұғалім сәни, тәжуид ережелері, Пайғамбар (с.а.у.) өмірі жайлы дәрістер береді.

Қыз-келіншектер арасында курстың бірінші мерзімі аяқталып, емтихан алынды. Курсқа 9 әйел қатысып, оның 7-і Құран Кәрімді жүзінен оқуға көшті. Қыз балалардан 13 адам қатысты. Олардың арасында Алланың 99 көркем есімдерінен жарыс өтіп, 4 қыз жүлделі орын алды.

Курс соңында әрбір қатысушыға сертификат табыс етіліп, ұстаздар шәкірттерге сәттілік тіледі.

Меркі ауданы «Меркі ата» мешітінің баспасөз қызметі