Бүгін "Зияткер имамның тұлғалық келбеті" атты мешіт қызметкерлерінің біліктілігін арттыруға арналған курсты тамамдаған имамдарға сертификат берілді. 6 модуль бойынша білім алып, сынақтан сүрінбей өткен дін мамандарын ҚМДБ-ның Жамбыл облысы бойынша бас имамы Бейбіт Мырзагелдиев марапаттады. 

Аталған курс 7-19 маусым аралығында жүргізіліп, оған шалғай ауылдардан 20 маман келіп қатысты. 

Имамдар фиқһ, Құран Кәрім, Ислам тарихы, ақида, уағыз әдістемесі, ҚМДБ құжаттары бойынша дәріс алды. "Һибатулла Тарази" медресе-колледжінде өткен біліктілікті арттыру курсына қатысушыларға облыс имамы игі лебізін білдіріп, жұмыстарына жеміс тіледі. 

Ақерке БЕКҚҰЛОВА

"Һибатулла Тарази" мешітінің баспасөз қызметі