Иордания әмірлігінің астанасы Амман қаласының басшысы Акил Балтаджи бүгін «Әзірет Сұлтан» мешітінде қонаққа келді. Құрметті қонақтарды Астана қаласының өкіл имамы Наурызбай қажы Тағанұлы қарсы алып, ыстық ықылас танытты.

Сәулеті мен сәні келіскен құлшылық ордасындағы тарихи жәдігерлермен танысып, мешіт ішін тамашалаған Акил Балтаджи өз ризашылығын білдіріп, мешіт жұмысына береке тіледі. Кездесу барысында Амман әкімі Қазақстан президенті Нұрсұлтан Әбішұлына арнайы әкелген қасиетті Құран Кәрімді мешітке табыстап аманаттады.

Кездесу соңында Акил Балтаджиге қазақ халқының сан ғасырғы тарихынан сыр шертетін «Батырлар жыры» дисктер жинағы тарту етілді.

muslim.kz