Қордай ауданында дүкендерге ішімдік сатудың зияны, күнәсі жеткізіліп, ащы су атаулысынан құтылып, оны сатпау насихатталды.

Ауыл әкімшілігі, жергілікті полиция және мешіт имамдарының бірігіп бастаған шарасы әлі де жалғасын табуда. 

Пайғамбарымыз (оған Алланың салауаты мен сәлемі болсын) араққа байланысты он кісіге лағынет айтқан: «Арақты сығушы, сығуға тапсырыс беруші, ішуші, тасушы, алдыртушы, құюшы, сатушы, арақтан түскен пайданы жеуші, арақты сатып алушы және сатып алдырушы» - деген. Ел боламыз десек, ең алдымен халқымыздың тамырына балта шабатын арақтан аулақ болғанымыз абзал. Осы арақтың кесірінен небір қауымдар құрып кетті. Арақ атамыздан қалған ас емес.

Қордай аудандық мешітінің баспасөз қызметі