Тараз қаласы имамдары демеушілер арқылы Рамазан айында 18 755 955 теңгені қайырымдылыққа жұмсады. Қайырымдылық ретінде 6013 кісіге ауызашар пакеті, 1072 отбасына азық-түлік, 91 отбасына қаржылай, 173 отбасына еттей, жетімдер үйіне ойыншықтар, мүгедектер үйіне дәрі-дәрмектер және тағы басқа жәрдемдер берілді. Жалпы қасиетті ай бойы 159 шара ұйымдастырылып 7490 отбасы қамтылды.

Қайырымдылық іс-шарасына Тараз қаласында орналасқан барлық мешіт жамағаттары мен «Жастар ісі секторы» және әйел-қыздар жамағаты толықтай атсалысты.

Қасиетті Құран кәрімде Алла Тағала: «Кім бір жақсылық істесе, оған сондай он есе (сауап) бар. Және біреу бір жамандық істесе, сондай-ақ қана жаза беріледі де олар зұлымдыққа ұшыратылмайды» деп бұйырады. Сауаптар еселенетін айда қайырымдылық жасаған жандардың Алла Тағала сауабын арттырсын! Екі дүниенің бақытын нәсіп етсін!

"Кеңесхан қыжы" мешітінің баспасөз қызметі