Қасиетті Рамазан айында көмекке мұқтаж жандарға қол үшін беру – сауабы мол, қайырымды іс. ⠀

Міне, осындай қайырымды іске Меркі ауданы әкімі Руслан Нұрсипатовта ұйытқы болып, ауданымыздағы көпбалалы аналарға, әлеуметтік аз қамтылған және көмекке мұқтаж, жалпы 100 отбасыға азық-түлік дорбаларын таратып берді.

Азық-түлікпен қамтылған отбасы мүшелері аудан әкіміне өз алғыстарын айтып, ризашылықтарын білдірсе, Руслан Маратұлы қайырымдылық жасау, мұқтаж адамдарға көмек беру, қолдан келгенше көмек беруге асығу – әрбір адамның азаматтық борышы, әрі сауабы мол қайырымдылық екенін атап өтті.⠀

Сонымен қатар, көпшілік алдында сөз алған ауданның Бас имамы Нұрбек Жанықұлов қайырымдылық жасау – әрбір мұсылманға парыз, сауабы молынан жазылатын игі іс екенін, әсіресе, осынау Қасиетті Рамазан айында жасалған қайырымдылық еселеніп қайтарылатынын жеткізді.

 Меркі ауданы «Меркі ата» мешітінің баспасөз қызметі