Кеңес ауылының имамы Нұрбол Айдосұлы жергілікті ауыл ақсақалдарымен кездесу өткізді. Кеңес ауылдық Мәдениет үйінде өткен рухани кездесу барысында Нұрбол Айдосұлы ауыл ақсақалдарына ҚМДБ-ның 2021 жылғы қызметінің басты жеті бағыты бойынша ақпарат берді.

Имам: «ҚМДБ төрағасы, Бас мүфтиіміз Наурызбай қажы Тағанұлының игі бастамасына сәйкес, биыл «Ихсан» іліміне ерекше көңіл бөлініп жатыр. Бұл рухани тәрбие жолы – ата-бабамыздың асыл мұрасы. Біз бұл іліммен тереңірек танысып, бағалай білуіміз қажет. Осыған орай, имамдар тарапынан көптеген мақалалар жазылып, онлайн дәрістер өткізіліп жатыр», - дей келе «Ихсан» ілімінің мән-маңызы туралы насихат айтты.

Кездесу соңында, ауыл ақсақалдары рухани танымдық баяндама үшін имам Нұрбол Айдосұлына алғыстарын айтты.

 «Меркі ата» мешітінің баспасөз қызметі