Жамбыл облысы Сарысу ауданы Жаңатас қаласының орталық мешітінде Әйел-қыздар жамағатына мешіт ұстаздары​ Мадина Қалқаманова мен Абибулла Аружан ұстаздардың ұйымдастыруымен "Қош келдің әз-Наурыз" атты мерекелік кеш болып өтті.

Ұлыстың ұлы күні қарсаңында әйелдер жамағаты мешітте бас қосып, төл мерекеміз қуанышпен атқарылды. Қазақтың ұлттық салт-дәстүрлері жайлы сұрақтар қойылып, қызықты талқылаулар болды.

Жамағаттың жасы үлкені, ақ жаулықты Күнсұлу әжеміз ұмыт болған қазақы салт-дәстүрлерді жастарға үйретіп түсіндірді. Және барша жиналған әйел-қыздарды мерекемен құттықтап, ізгі дұға-тілегін білдірді.

Осылайша, кеш ақ дастархан басында жалғасын тауып, баршасына дәмі тіл үйіретін наурыз көжеден таратылып дәм берілді.

Сарысу аудандық мешітінің баспасөз қызметі