ҚМДБ Төрағасы, Бас мүфти Наурызбай қажы Тағанұлының бұйрығымен Меркі ауданының бас имамы қызметіне Нұрбек Қайсарұлы тағайындалды.

Аталған ресми шараға ҚМДБ-ның Жамбыл облысы бойынша бас имамы Бейбіт Мырзагелдиев арнайы барып, жамағатпен жаңа аудан имамын таныстырып, жұмысына сәттілік тіледі. 

Айта кетейік, Нұрбек Джаныкулов бұл уақытқа дейін Меркі ауданындағы "Жақсымбет" мешітінің наиб имамы болып жұмыс жасаған. "Нұр Мүбәрак" Египет Ислам университетінде "Исламтанушы" мамандығы бойынша білім алған дін маманы 2016-2017 жылдары Сарымолдаев ауылдық "Жүніс молда" мешітінде имам, 2009-2016 жылдары "Меркі ата" мешітінде наиб имамы қызметтерін атқарған.  

Ал бұл уақытқа дейін бірнеше жыл ауданның бас имамы болып еңбек еткен Батырбек Қасымалиев "Меркі ата" мешітінде наиб имам болып қызметін жалғастырмақ.

Ақерке БЕКҚҰЛОВА

"Һибатулла Тарази" мешітінің баспасөз қызметі