ҚМДБ, Тараз қалалық орталық «Кеңесхан қажы» мешітінде, мешіт ұстазы Жібек Қолағұлованың ұйымдастыруымен «Мұхаммед (с.ғ.с) - жүрегіміздің төрінде» атты жиын өтті.

Шараға Тараз қаласының бас имамы Амантай Садиев қатысып, шәкірттерге Пайғамбарымыздың (с.ғ.с) өмір баянынан үзінді айтты. Уағыздан соң мешіт шәкірттеріне викториналық сұрақтар қойылды. Дұрыс жауап бергендерге Құран кітаптары тарту етілді.

Жиынның соңында ақ жаулықты әжелеріміз дұға етіп, бата берді.

«Кеңесхан қажы» мешітінің баспасөз қызметі