Қазақ қариясын құрметтеп, төрін берген, ақыл сұрап, ерекше құрметтеген. Елде дау болса ақсақалдар шығарған шешім мірдің оғындай тоқ етері болған. Осы бір дәстүрді жалғастырып жүрген Жамбыл аудандық "Бәйдібек" мештінің қариялары баршылық.
Дінге бет бұрып жатқан жастарды, мешіт жамағатына бас болып, аталық ақ батасын беріп, үлгі болып жүрген өңір қарияларын Жамбыл ауданының бас имамы Ғайырфулла Қуанышбекұлы "Қарттар күні" қарсаңында құрмет көрсетіп, 3 ақсақалға шапан жапты.
Имам мешіттің белсенді қарттарына алғыс хат табыстап, рақметін айтты. Ал мұндай құрметке разы болған ақсақалдар батасын берді.
Ақерке БЕКҚҰЛОВА
Һибатулла Тарази мешітінің баспасөз қызметі