Ұстаз – ұлағатты есім. Шәкірттерін білім нәрімен сусындатып , тәлім – тәрбие беру , жақсы қасиеттерді бойына дарытып, адамгершілік рухта бағыт-бағдар беруде ұстаздың еңбегі зор. Сондықтан да ол әрдайым қасиетті тұлға ретінде ерекшеленеді. Шынайы ұстаз өз шәкірттерінің жүрегінде білімге деген сарқылмас ынта-ықыласты оятады.

Осындай ардақты жандардың бүгін төл мерекесі. Қазан айының бірінші жексенбісі "Ұстаздар күніне" орай Һибатулла Тарази мешітінде өңірдің әйел ұстаздары бас қосты. ҚМДБ-ның Жамбыл облысындағы Әйел-қыздар секторының жетекшісі Гүлжан Алдасаеваның ұйымдастыруымен мешіт іші безендіріліп, барлық ұстаздар сағыныса көрісті. 

Ақ дастархан барысында сүбелі сөз, өнегелі әңгіме айтылып, сектор жетекшісі ұстаздар қауымына алғыс айтып, сый-сыяпат жасады. 

Ұстазға құрмет көрсету – адамгершіліктен. Тәрбие беруші тұлғаны ардақтап, оған сый-құрмет көрсету де – сауапты іс. Хазіреті Әли (оған Алла разы болсын): «Кім маған бір әріп үйретсе, оның құлы болуға дайынмын» деген екен. 

Ақерке БЕКҚҰЛОВА

Һибатулла Тарази мешітінің баспасөз қызметі