Эфиопия жеріне һижрет жасап барғанда мұсылмандардың басшысы Жағфар (р.а.) Нәжаши патшаның алдында сол елдің дәстүріне сай маңдайын жерге тигізіп емес, тік тұрып есендеседі. Патша алдында жасқанып жалтақтамайды.

Нәжаши мұндай сәлемдесу түрін ерсі санап: «Неге менімен дұрыстап амандаспайсың?» – дейді. Жағфар ибн Әбу Тәліп (р.а.): «Біз әлемдердің раббысы Алла Тағалаға ғана бас иеміз және Одан басқаға сәжде жасамаймыз. Арамыздан соңғы пайғамбар шықты. Ол бізге жәннаттық адамдардың сәлемін үйретті, сондықтан біз сізге мұсылманша сәлем бердік», – деп сабырлы жүзбен жауап берген екен. 

asyldin.kz