Жамбыл ауданы "Бәйдібек" мешітінде "Һибатулла Тарази" медресесінің ұстазы Нұралы Бақытұлымен кездесу өтті. Білікті ұстаз жамағатқа білім алудың маңызы, Құран оқу, оның пайдасы тақырыптарында насихат жүргізді. 

Уағыз барысында дәйекті, мықты мәліметтер айтылып, көпшіліктің сауалдарына жауап берілді. 

Сонымен қатар жүздесу Бірлесу еңбек ауылындағы "Бірлесу еңбек"  мешітінде жалғасын тапты. Нұралы Бақытұлы осы аптадан бастап әр бейсенбі сайын Жамбыл ауданында ақшам намазы уақытында дәріс жүргізбек. Аудан жамағаты медресе директоры орынбасарының арнайы келіп, апта сайын жүргізетін сабағына қатысу мүмкіндігіне ие болды. Мұндай жаңалықты естіген көпшілік дәріске қалмай қатысуға ниетті.

Ақерке БЕКҚҰЛОВА,

"Һибатулла Тарази" мешітінің баспасөз қызметі.