Байзақ ауданы «Байзақ баба» мешітінінің ұйымдастыруымен жазғы сауат ашу курсында оқып жатқан шәкірттерге емтихан жүргізіліп, жақсы көрсеткіш көрсеткен шәкірттерге алғыс хаттар және бағалы сыйлықтар табысталды.

Аудандық мешіттің найб имамы Каримбаев Айбек білім алудың маңыздылығы турасында уағыз айтып, шәкірттерге сәттілік тіледі. Емтиханда Каримбаев Айбек пен Шадинов Дәурен мұғалім сәни, құран, тәжуид, фиқһ, ақида, пайғамбарымыздың өмір баянынан сұрақтар қойып білім деңгейлерін тексерді.

Жалпы Байзақ ауданы бойынша 452 шәкірт өз білімдерін шыңдады. Алла қаласа келесі жазғы сауат ашу курстары жалғасын табады.

«Байзақ баба» мешіті