Дұға - мұсылман өмірінің ажырамас бір бөлігі болып табылады. Ислам мұсылмандарды қарапайым дүниелер үшін де құлшылық етіп, дұға жасауға үндейді. 

Дұға адамның имандылығын көрсетеді әрі иман келтіргендер қарапайым нәрселердің өзінде Аллаға сиынып, Алла Тағалаға мұқтаж болады. 

Дұғаны қалай дұрыс жасау керек?

Дұғаның қабыл болуы үшін, мұсылман бірнеше сәттерді есте сақтауы қажет. Бірінші, - Аллаға адал да таза жүрекпен сиыну. Екінші – дұғаны араб тілінде айту міндетті емес, бірақ Алла Елшісінің (ﷺ) Жаратушыдан сұраған дұғасы ең кемел дұға болып табылады. 

Жалпы дұғалар

Әр түрлі аспектілер мен жағдайларға қатысты күнделікті айтылатын бірқатар дұғалар бар, оларды әрбір мұсылман білуге әрі күнделікті қайталап жүргендері жөн.

Ашу кезінде айтылатын дұға:

Хадисте былай айтылған:

«Ашулы адам айтса, ашуы тарқайтын сөздерді білемін»

: اَعُوْذُ بِاللهِ مِنَ الشَّيْطَانِ الرَّجِيْمِ Ағузу билләһи минаш шайтанир ражим

Аудармасы: «Лағнетке ұшыраған шайтанның азғыруынан сыйынамын» (Тирмизи).

Тамақ ішердің алдында және тамақ ішкен соң айтылатын дұғалар:

Тамақ ішердің алдындағы дұға:

بِسْمِ اللهِ الرَّحْمَنِ الرَّحِيْمِ Бисмилляһир раһманир раһим.

Аудармасы: «Аса қамқор, ерекше мейірімді Алланың атымен бастаймын».

Тамақ ішкен соң

ы: اَ لْحَمْدُ للهِ الَّذِىْ اَطْعَمَنَا وَسَقَاناَ وَجَعَلَناَ مِنَ الْمُسْلِمِيْنَ «Әл-хамду лилләһи-ллязи атамана уа сакана уа джааляна минал-муслимина».

Аудармасы: «Бізге ішкізген, бізге жегізген, мұсылман етіп жаратқан Аллаға шүкір» (Әбу Дәуд).

Мешітке кірерде және шығарда айтылатын дұғалар:

Мешітке кірерде:

: اللّهُـمَّ افْتَـحْ لي أَبْوابَ رَحْمَتـِك «Аллахумма фтахли абуаба рахматик». Аудармасы: «Я, Алла! Маған мейірім есіктеріңді аша гөр!» (Сахих Мүслім).

Мешіттен шығарда айтылатын дұға:

: اللّهُـمَّ إِنّـي أَسْأَلُكَ مِـنْ فَضْـلِك «Аллахумма инни ас алюка мин фадликя». Аудармасы: «Я, Алла! Шынында, мен Сенің кеңшілігіңді сұраймын» (Мүслім).

Түшкірген адам айтуы тиіс:

 الْحَمْدُ لِلَّهِ Әлһәмдулиллә

Аудармасы: «Аллаға шүкір».

Біреудің түшкіргенін естіген адам:

 يَرْحَمُكَ اللَّهُ ЯрһамукАлла. «Алла саған рақым етсін» (Бұхари).

Үйге кірерде айтылатын дұға: بِسْـمِ اللهِ وَلَجْنـا، وَبِسْـمِ اللهِ خَـرَجْنـا، وَعَلـى رَبِّنـا تَوَكّلْـنا Би-сми Лләһи уаляджна, уа би-сми Лляхи хараджна уа 'аля Рабби-на тәуәккәлнәә!

Аудармасы: «Алланың атымен кірдік, Алланың атымен шықтық, Раббымызға тәуекел еттік».

Үйден шығарда айтылатын дұға:

а: بِسْمِ اللهِ تَوَكَّلْتُ عَلىَ اللهِ وَلاَ حَوْلَ وَلاَ قُوَّةَ اِلاَّ بِاللهِ ط Бисмилләһ тәуәккалту аляллаһ уа лә хәулә уа лә куууата илля билләһ.

Аударма: Алланың атымен, Аллаға тәуекел еттім. Күш-қуат тек Алладан

Мазасыздық пен уайым басқанда айтылатын дұға:

Пайғамбарымыз (ﷺ) былай айтқан: لآَ اِلَهَ اِلاَّ اللهُ الْحَلِيْمُ الْحَكِيْمُ لآَ اِلَهَ اِلاَّ اللهُ رَبُّ الْعَرْشِ الْعَظِيْم لآَ اِلَهَ اِلاَّ اللهُ رَبُّ السَّمَاوَاتَ وَاْلاَرْضِ وَرَبُّ الْعَرْشِ الْكَرِيْمِ ط

Лә илләһа иллялаһһул халимул хакиму – лә иләһа илляләһу раббул аршил азыйм- лә иләһа иллялаһу илял раббус самауати уаль арди уа раббуль аршиль карим.

Аудармасы: «Ұлы да Кеңпейіл Алла Тағаладан өзге Тәңір жоқ. Ұлы Аршының  Раббысы Алла Тағаладан басқа Тәңір жоқ. Көк пен жердің және құрметті Аршының  Раббысы Алла Тағаладан өзге Тәңір жоқ» (Тирмизи).

Сапар кезінде: سُبْحَنَ الَّذِىْ سَخَّرَلَنَا هَذَا وَ مَا كُنَّا لَهُ مُقْرِنِيْنْ وَ اِنَّا اِلَى رَبِّنَا لَمُنْقَلِبُوْنْ Субхана-ллязи саххара лана хаза уа-ма кунна ляху мукринин, уа-инна иля раббина ля-мункалибун.

Аудармасы: «Бізге мұны бағынышты еткен Алла пәк. Әйтпесе, біз оның маңына жақындай да алмас едік. Сөзсіз біз Жаратушы Иеміз жаққа қайтамыз» (Тирмизи). 

asyldin.kz