Қасиетті Рамазан айының басталуына 20 күн қалды.

Ораза  – осы дүние мен мәңгілік дүние қуанышы.

Сенімді хадистерде оразаға қатысты көптеген қайыр-береке мен артықшылықтар келтірілген. Осы артықшылықтарды білу иман келтіргендерге оразаны жүрекпен де, тәнмен де ең үздік түрде ұстауына көмектеседі.

Ораза жауыңды жеңуге көмектеседі

Қасиетті Құранда адамның нақты жауы шайтан деп айтылған. Ораза – оның ықпалын әлсірететін құрал, өйткені ас-судан бас тарту тән қалауын әлсіретеді. Алла Елшісі (ﷺ) былай айтқан: «Қанның тамырларда айналып жүргеніндей, шайтан да адамның денесінде айналып жүреді. Аштықпен, яғни, аз жеумен, ораза ұстаумен, оның жолдарын тарылтыңдар!» (Бұхари).

Ораза сабырлы болуға үйретеді

Хадистердің бірінде айтылғандай: «Ораза – сабырдың жартысы». Ал сабыр – иманның жартысы: Жұмақтың кілті әрі қиыншылық пен сынақтарды жеңу амалы.

Ораза – сауабын Алла Тағаланың Өзі беретін жалғыз құлшылық түрі

Алла Тағала былай деген: «Оразадан басқа әбір игі амалға оннан жеті жүзге дейін сауап беріледі, өйткені ораза – Мен үшін және оның сауабын Өзім беремін». Сондай-ақ, Құранда былай айтылған:  «Шын мәнінде сабыр етушілерге сыйлықтары есепсіз орындалады!» (39:10). Ал ораза, белгілі болғандай, тек қана тән жағынан болатын әрекеттерден тыйылу ғана емес, сондай-ақ, тыйым салынған сөздер мен қылықтардан арылу жолында рухани тәрбиелену. 

Ораза – Жұмақ қақпаларының бірі

Алла Елшісі (ﷺ) былай айтқан: «Шынында, Жәннатта «әр-Райян» деп аталатын қақпа бар. Қиямет күні сол қақпадан ораза ұстаушылар ғана кіреді әрі олардан басқа ешкім кірмейді».

Айша анамыз (р.а.) Алла Елшісінің (ﷺ) оған:

«Үздіксіз Жұмақтың қақпасын қақ», - деп айтқанын келтірген.

«Немен?» - деп сұрайды Айша анамыз (р.а.).

«Ашығумен», - деп жауап берген екен Пайғамбарымыз (ﷺ).

Ораза кезіндегі ұйқы да құлшылық болып табылады

Кайлюль деп аталатын түс уақытындағы ұйқы – Пайғамбарымыздың (ﷺ) сүннеті болып табылады. Хадисте келтірілгендей: «Ораза ұстаушының ұйқысы да Аллаға құлшылық», тіпті ораза кезіндегі мұсылманның ұйқысы оның құлшылығының жартысы болып табылады. 

Ораза – Жаратушының Өз құлы үшін мақтанышы

Кейбір хадистерде келтірілгендей, бұл дүниелік істерден баст тарту, тіпті ораза кезінде халалдан да бас тарту - Алланың Өз құлдары үшін мақтанышта болу себебі. Алла Елшісі (ﷺ) былай айтқан: «Алла Тағала Өз періштелерінің алдында тақуа бозбаламен мақтанған екен: «Уа, бозбала, Мен үшін өз қалауын ұмытқан әрі жастық шағын Маған арнаған, сен Мен үшін – Менің періштелерімнің біріндейсің».

Басқа хадисте былай келтірілген: «Алла айтады: «Уа, Менің періштелерім! Мен үшін өз қалауы мен рахатын, ас-суын қалдырған Менің құлыма қараңдаршы!»

Ораза – бұл дүние мен мәңгілік дүние қуанышы

Алла Елшісі (ﷺ) былай деген:  «Ораза ұстаушының екі қуанышы бар: ауызашардағы қуанышы мен Өз Жаратушысымен кездесердегі қуанышы».

 Егер иман келтірген адам оразаны шынайы түрде бар жан-тәнімен  ұстаса, оның ойына кіріп шықпайтын қуанышты сыйлыққа тап болады. Қасиетті Құранда былай айтылған:

«Ешкім қылмысы жаққандықтан өздерше көмес сақтаулы қуанышты сыйлықты білмейді» (32:17).

Алла Тағаланың бұл дүниеде мұсылманға берер сыйы – оны ақиқат жолға салуы әрі  Алла разылығын алу үшін жүрегін нығайтуы:

«Сондай жолымызда күрескендерді әлбетте тура жолдарымызға саламыз. Рас Алла жақсылық істеушілермен бірге» (29.69).

asyldin.kz