Отбасындағы азын-аулақ ұрыс-керіс, қызғаныш Пайғамбарымыз (ﷺ) бен сахабалардың кезінде де болған. Осындай жағдайда олар өздерін қалай ұстайтын еді? Бір-біріне қалай құрмет көрсететін?

Бірде Пайғамбарымыз (ﷺ) Айша анамызға (р.а): «Расында, мен сенің маған разы кезің мен ашуланғаныңды білемін», - дейді. Айша анамыз (р.а) таңданып: «Оны қайдан білесіз, иә Алланың елшісі?» - деп сұрайды. Сонда Пайғамбарымыз (ﷺ): «Сен маған разы кезіңде «Жоқ, Мұхаммедтің Раббысымен ант етемін» десең, маған ашуланған кезіңде «Жоқ, Ибраһимның Раббысымен ант етемін» дейсің», - дейді. Сонда Айша анамыз (р.а): «Иә, Алламен ант етейін, уа, Алланың елшісі! Сізге ашуланғанымда осылай есіміңізден басқа ешнәрсені кері қақпаймын», - деген екен. 
Бұдан ұғатынымыз, Айша анамыздың (оған Алла разы болсын) Алла елшісіне (ﷺ) деген сүйіспеншілігі еш уақытта, тіпті, оған ашуланған кезінде де кемімеген. Ал оның ренішін аңғартатын жалғыз нәрсе — тек күйеуінің есімін атамау ғана болатын...

asylarna